Прыёмы экспрэсІЎнага сІнтаксІсу Ў “казках жыцця” якуба коласаЗварот да аналізу ролі і месца экспрэсіўных сінтаксічных канструкцый у прозе Якуба Коласа абумоўлены некалькімі прычынамі. Па-першае, даследаванне сінтаксічных сродкаў, якія дазваляюць эстэтычна і псіхалагічна ўздзейнічаць на рэцыпіента, – актуальная праблема сучаснай лінгвістыкі. Па-другое, у айчынным мовазнаўстве пакуль адсутнічаюць працы, у якіх бы давалася ацэнка ролі творчасці Якуба Коласа ў працэсе фарміравання сістэмы сродкаў экспрэсіўнага сінтаксісу сучаснай беларускай літаратурнай мовы. Пры скразным аналізе сінтаксічнага ладу цыкла філасофска- алегарычных твораў ―Казкі жыцця‖ было выяўлена, што адметную ролю ў іх мастацкім кантэксце адыгрываюць такія прыѐмы, як экспрэсіўна-стылістычны падзел на абзацы (у прыватнасці, вылучэнне ў самастойныя міні-абзацы асобных сказаў звышфразавага адзінства) і сінтаксічны паралелізм (у спалучэнні з лексічным паўторам). Выкарыстаннем міні-абзацаў пісьменнік вырашае разнастайныя мастацкія задачы: 1) у творах, дзе адсутнічае выразна акрэсленая аўтарская пазіцыя, фінальнымі монаабзацамі аўтар падштурхоўвае чытача да роздуму, засяроджваючы ўвагу на праблемных пытаннях, якія неабходна асэнсаваць самастойна (―Балотны агонь‖, ―Што лепей‖ і інш.); 2) фінальным сказам-абзацам пісьменнік нярэдка афармляе галоўную думку, асноўную ідэю твора; выказванне, вынесенае ў самастойны сказ-абзац і змешчанае ў абсалютным канцы твора, набывае дадатковую сэнсавую нагрузку і афарыстычнае гучанне (―Чыя праўда?‖, ―Што яны страцілі?‖ і інш.); 3) вынясеннем у самастойныя абзацы пытальных сказаў пісьменнік уносіць паўзу у паведамленне, што садзейнічае стварэнню эфекта прысутнасці апавядальніка (―Адзіновае дрэва‖, ―Над прасторамі зямлі‖ і інш.). Сінтаксічна паралельныя канструкцыі ў ―Казках жыцця‖ ўжываюцца ў камбінацыі з лексічнымі паўторамі (анафарай, сімплакай): І была ў гэтага лесу нейкая мара, поўная хараства, нейкая патайная думка, поўная чараў, і нейкае невыразнае чаканне чагось вельмі важнага і значнага (―Гусі‖). У кантэксце ―казак‖ паралелізм выкарыстоўваецца: 1) для выражэння эмацыянальнага зместу паведамлення (падкрэслівае узрушанасць аўтара-апавядальніка ці хваляванне персанажаў); 2) для аб‘яднання асобных частак выказвання ў кантэкстах з разгорнутымі характарыстыкамі прадметаў, з‘яў (дазваляе аб‘яднаць ў адзінае цэлае асобныя штрыхі апісання).
УДК 37.017.4:001.895
Р. В. Міксюк, ст. выкл. (БДТУ, г. Мінск)
|
| Оглавление| |